Afrekshundur ársins 2014

Viðtal sem birtist í Sámu blaði Hundræktunarfélags Íslands í september 2013

Fyrirsögn:

Stefstells Skrúður dregur úr einhverfu

 

Inngangur:

Elsa Lind Þorvaldsdóttir, 9 ára nemandi í Hraunvallaskóla í Hafnarfirði, hefur náð frábærum árangri í baráttu sinni við einhverfu með því að vinna með íslenska fjárhundinn Stefsstells Skrúð. Elsa Lind, sem í fyrra hvíslaði bara einstaka orð að kennurum, talar nú upphátt í skólanum.

 

Texti:

Hundurinn Skrúður kom inn í líf Elsu Lindar þegar hún var tveggja ára gömul. Nokkrir hundar voru fyrir á heimilinu og náði Elsa Lind strax góðu sambandi við þá alla en sambandið milli Skrúðs og Elsu Lindar varð samt alveg einstakt þó að Elsa Lind talaði ekkert við hann til að byrja með. Skrúður elti hana um húsið og liggur við hlið á henni á nóttunni.

Elsa Lind er barnabarn Elmu Cates sem er eigandi Skrúðs. „Elsa Lind er með einhverfu sem lýsir sér þannig að hún fer inn í sinn eigin heim og tjáir sig lítið þó að það hafi breyst mikið núna. Hún er líka með cerebral palsy (CP) sem þýðir að hún hefur ekki fulla stjórn á hreyfingum,“ segir Elma Cates.

 

Gríðarlegur árangur           

Elma bendir á að Skrúður hafi strax laðast að Elsu Lind og því hafi hann verið notaður til að þjálfa hana við að læra að tala og seinna í að lesa. Í fimm ára deild og í fyrsta bekk var Elsa Lind með mynd af hundinum í skólann, kennararnir dró upp mynd af hundinum og út frá því hafi þeim tekist að fá Elsu Lind til að opna sig og byrja að hvísa. Hún hafi smám saman ekki bara talað um Skrúð heldur líka aðra hluti.

Í örum og þriðja bekk átti Elsa erfitt með að staldra lengi við námsbækurnar og þá sérstaklega við lestur. Þá stóð Skrúður sig vel, hann lagðist með henni í rúmið á kvöldinn eða í sófanum á daginn og hlustaði á hana lesa og smá saman fékk hún áhuga á lestri. Elsa er nú í 4 bekk og er orðin flug læs.

Elsa Lind hefur náð gríðarlegum árangri á stuttum tíma. Í upphafi árs lét hún nægja að hvísla stutt að kennurum en núna er hún farin að tala upphátt. Í fyrsta skipti sem hún talaði upphátt fyrir framan bekkinn var í 3 bekk þegar hún fór með mynd af hvolpum undan Skrúð í skólann, sýndi nemendunum, snéri síðan baki að nemendum og kynnti hundana fyrir þeim með hjálp kennarans og bauð krökkunum svo heim að hitta þá. Í ár sýndi Elsa mikið framför, hún héld kynningu hátt og skýrt í skólanum

og sagði þeim frá hvejum hundi, síðan bauð hún krökkunum og kennurum heim, þegar heim var komið Elsa bað um hljóð og talaði hátt og skýrt yfir alla og bauð þeim að koma og sjá hvar hundarnr svæfu og fór síðan með þau út og sýndi listir sínar. Þessi vinna með hundinn gefur henni viðurkenningu og styrki hennar sjálfsmynd. Elsa Lind er orðin mjög sterk félagslega krakkarnir í hverfinu koma og spyrja eftir henni og Elsa fer út í leiki og oftast fer Skrúður með.

 

Fá hann til að hlýða

Elma hefur átt sinn þátt í árangri Skrúðs og Elsu Lindar. „Til að fá hana til að tala hátt og skýri fór að kenna henni hlýðniæfingar og að vinna með hundinum í hlýðni. Elsa þurfti þá að nota orð til að fá hann til að hlýða sér til að leysa ýmis verkefni eins og td. að ganga á hæl, sitja, liggja, standa á göngu, liggja á göngu og hoppa fyrir hindrun. Seinna þegar hún var farin að stjórna honum úr fjarlægð þurfti hún að tala hærra og það var upphafið að því að hún fór að tala í eðlilegri raddhæð,“ segir Elma.

Elsa Lind hefur náð margvíslegum árangri með hundinum. Hún fór til dæmis með hann á alþjóðlega hundasýningu í Reykjavík í febrúar og náði fjórða sæti í ungum sýnendum. Elsa fór síðan aftur með Skrúð á Reykjavík winnir mót í apríl og hafnaði þar í 3 sæti. „Þetta er stanslaus vinna. Hún kemur til með að sýna hundinn framvegis því að þessari vinnu er aldrei lokið. Það þarf alltaf að þjálfa hundinn og hana sjálfa. Hundurinn fer í erfiðari æfingar og hún fylgir honum eftir. Hundurinn er alltaf notaður sem upphafið að öllu því sem hún gerir í skólanum,“ segir hún.

 

Skólinn:

Hraunvallaskóli tekur virkan þátt í vinnu Elsu Lindar og Skrúðs. Ef Elsa á erfiðan dag þá teiknar hún mynd af hundunum og þá gleymir hún öllum erfiðleikum og getur farið að vinna á ný.

 

Myndatexti:

Elsa Lind Þorvaldsdóttir, 9 ára, með hundinum Skrúði. Hún hvíslaði alltaf í skólanum í fyrra en er nú farin að tala í eðlilegri raddhæð vegna vinnunnar með hundinum. 

Hún hundurinn og heimurinn